Бурханы шашинд яагаад ийм олон Бурхад байна?

Асуулт:

shashin murguld dotroo yagad tgj ix olon byrxad bna ? aaw eej ax dvv xamaatan gdeg shgvv? xvmvvc yagad tgvl zowood bna tiim olon byrxad bgan bol gancxan "satan " Mynxaglaliig ??????? yagad diilkv bna xexe

Хариулт:

Бурханы шашинд ганц Бурхан байдаггүй бөгөөд Бурханы шашниас бусад бүх шашин Бурхан болох боломжгүй гэж үздэг. Гэтэл Бурханы шашин хүн бүр цаашлаад амьтан бүр Бурхан болох боломжтой үздэг цор ганц шашин юм. Хүн бүр Бурхан болж зовлонгийн хүлээснээс салж чадах чадамж байдаг болохоор олон хүн Бурханы айлдсан замаар замнаж гэгээрч Бурхан болсон болохоор олон Бурхан байдаг. Бурханы тоо бол хязгааргүй юм. Тэдэн галавт Бурхан залрахгүй гэсэн ном байдаг. Энэ нь цаг үетэйгээ хүмүүсийн чадамжаас хамаарч өөр өөр байдаг юм. Энэ галавт 1000 Бурхан заларч номоо айлдаж амьтаныг аварна гэж байдаг бөгөөд Бурхан багш 4 дэх нь юм. Цаана нь 996 Бурхан байгаа бөгөөд хэдэн мянган жилийн дараа Бурхан шашин бараг мартагах үед 5 дахь Бурхан буюу Майдар Бурхан заларч ирнэ.

Тиймээс тэргүүлшгүй цагаас эхлэн Бурхадын айлдсан сургаалаар явж олон амьтан Бурхан болсоор л ирсэн бөгөөд тэр нь тоолшгүй юм.

Бурхан бол бүхнийг чадагч бус бүхнийг мэдэгч гэж хэлж болно.

Буддизмд нэг үг байдаг:

Бурхан бусдын зовлонг усаар угаагаад арилгахгүй
Буй зовлонг юүлэн авахгүй
Өөрийн эрдмийг юүлэхгүй
Гагцхүү өөрийн эрдмийг зааж сургана түүгээр л аварах боломтожой гэж үздэг.

Энэ нь шударга хууль бөгөөд ертөнцийн хууль Бурханд ч үйлчилнэ.
Тиймээс Бурханд итгэснээр аврагдахгүй, ямар нэгэн усан угаалга ёслол үйлдээд аврагдахгүй гагцхүү Бурханы сургаал номлолыг судалж мэдэж ойлгож өөрийгөө танин мэдсэнээр л зовлонгоос гэтлэх тул Бурхан багш та нар өөрөө өөрсдийнхөө аврал нь юм гэж хэлсэн байдаг.