Афоризмы

Хамуугаа майжихыг жаргал гэвэл
Хамуугүй байхыг үнэн жаргал гэмүй
Хүсэлийг гүйцээх жаргал мөн гэвэл
Хүсэлгүй хүмүүн төгс жаргалтан буйзаа
Дорнын их сэтгэгч НАГАРЖУНА

Хүслээ хязгаарлаж байхыг сургадагаар нь бурханы шашныг эрх чөлөөг хэтэрхий боогдуулж буй харгис сургаал мэтээр зарим хүн боддог байж юуны магад. Гэвч тэр тийм бус, хүн хүслийн эрхэнд өөрийгөө боол болгон тушаалгүй харин ч түүнийгээ хязгаарлах ухамсартай байж чадаж байвал тэр жинхэнэ эрх чөлөө мөн.
Дээрхийн гэгээнтэн XIV Далай лам Данзанжамц

Эхлэлгүй цагаас тоолшгүй олон удаа сансрын орчилд төрөхдөө бид сэтгэлийнхээ эрхэнд явснаас бус сэтгэлээ эрхэндээ байлгасангүй. Гэтэл сэтгэл нь будангуй мунхаг, тачаал шунал, уур хилэн, атаа жөтөө, омог дээрэнгүй зэрэг нисваанисын сэтгэлийг дадсан зуршлаараа хар аяндаа бараадан явсаар өдгөөг хүрчээ. Бие, хэл, сэтгэлийн гурван үүдээр шалтгаан, үрийн хуулинд үл нийцэх гэмт үйлдлүүдийг хийсээр бид хүсээгүй хэрнээ шалтгааныг нь тавьсан л юм хойно аргагүйн эрхэнд тэсэшгүй зовлонгийн үрийг эдлэнэ. Тиймээс бясалгал гэдэг бол бурууд дадсан сэтгэлийг өөрийн эрхэнд оруулах оролдлого, үнэн зөвд дадах хичээл шамдлыг хэлдэг.
Шарын шашныг үндэслэгч Богд Зонхав

Зовлонгоо орхихыг санах авч
Зовлон гэгчрүү л өөрөө гүйнэ
Жаргалд хүрэхийг сэтгэх авч
Жаргах үндсээ дайсагнан устгана
Эрний Энэтхэгийн их сэтгэгч Шантидэва