Өнөөгийн эдийн засгийн тогтолцоог өөрчлөх хэрэгтэй юу

Орчин үеийн нийгэм ямар байх ёстой вэ? Та бүхэн юу гэж бодож байна. Ерөөс өнөөгийн тогтолцоо нэг л биш байгааг хүн бүхэн л өнөөгийн нийгэмд сэтгэл ханамжгүй байгаагаар илхэн харж болно. Ямар нэгэн тэр болохгүй байна тэрийг ч өөрчил энийг өөрчил гэсэн асуудлууд барагдахгүй байгааг ТВ-с илхэн харж байгаа биз. Энэ асуудал цувран хэзээ ч барагдахгүй бөгөөд тогтолцоог нь бид үндсээр нь өөрчилж чадваас тэр бүх асуудал үгүй болж шийдэгдэх юм. Төгс нийгэм гэж бараг байхгүй бөгөөд үүнд нилээн дөхсөн ямар нийгэм эдийн засгийн тогтолцоо байх боломжтой бол? Энэ бүхнийг Бурханы шашинд энэ талаар байдаг болов уу.
Бурханы шашинд бол лам хүн мөнгөтэй орооцолдох байтугай түүнд хүрч болохгүй билээ. Мөн хуримтлал үүсгэж болохгүй ба бадар аяга, орхимж хоёроос илүү зүйл байх ёсгүй гэж үздэг. Жинхэнэ хийд орон бол хотоос зайдуу бөгөөд тэнд ямар ч мөнгөтэй холбоотой зүйл гэж байдаггүй. Өөрсдийн хүнсний хэрэгцээгээ ханган номоо үзэж судлан дадлагажуулсаар болоод л байдаг .

Үүнээс дүгнэлт хийвэл мөнгө болон хуримтлалаас болж түмэн зовлон гарч байна. Энэ системээс санаа аван орчин үеийн нийгэмд уусган шингээж нэвтрүүлж чадваас эрүүл нийгэм эрүүл дэлхийд энх тунх амьдарч болмоор санагдах мэт.
Мөнгөгүйгээр хүн амьдарч болох уу үгүй юу. Заавал өнөөгийн эдийн засгийн тогтолцоонд зайлшгүй мөнгө шаардлагатай гэж үү. Мөнгөгүй эдийн засгийг бий болгох боломжтой болов уу гэх мэт олон зүйлийг эргэцүүлэн бодлоо.
Өнөөгийн нийгэмд хуримтлал, үр ашиггүй бараа таваар нь дэлхийн нөөц баялагт томоохон хохирол учруулсаар байна.

Төв банк гэж юу вэ?

Улс орны мөнгийг үйлдвэрлэн гаргадаг байгууллага юм. Түүнээс харахад төв банк хүүгийн хэмжээг тогтоох мөнгөн нийлүүлэт буюу инфляцийг хянах гэсэн хоёр эрх мэдлийг хэгэгжүүлдэг. Төв банк эдийн засгийг зүгээр мөнгөөр хангадаггүй харин мөнгийг хүүтэй зээлүүлж мөнгөний нийлүүлэлтийг ихэсгэх эсвэл багасгах замаар мөнгөний үнэ цэнийг өөрчилдөг. Энэ тогтолцоо нь урт хугацаандаа өр үүсгэдэгийг ойлгох нь чухал. Үүний цаадах заль мэхийг ойлгоход тийм ч нарийн ухаан орохгүй. Төв банкнаас гаргасан доллар бүрийг хүүтэй зээлүүлдэг. Тиймээс хэвлээд гаргасан доллар бүрийн хувь түүний хүүгийн өр нэмэгддэг гэсэн үг. Нэгэнт улсын хэмжээнд мөнгө гаргах эрхийг төв банк хадгалж байдаг. Тэгээд доллар бүрийн хүү буюу өрийн хамт зээлдүүлж байгаа нөхцөлд уг хүүг төлөх мөнгө хаанаас гарах вэ? Мэдээж дахиад л төв банк гаргана. Өөрөөх хэлбэл тухайн хүүг барагдуулахын тулд төв банк мөнгөний нийлүүлэлтээ байнга нэмэгдүүлэхэд хүрэх бөгөөд дахиад л хүүтэй гаргасан уг мөнгөний нийлүүлт нь улам их өр үүсгэнэ. Энэ тогтолцооны эцсийн үр дүн нь төр засаг, ард иргэд хэзээ ч ангижирч чадахгүй өрийн боолчлол болж байгаа болно.

Хэрэв бүх зүйл үнэгүй бөгөөд мөнгө гэж зүйл огт байхгүй бол энэ нийгэм ямар нийгэм байх байсан бол та төсөөлөөд үзнэ үү. Мөнгөнөөс болж хүмүүсийн хооронд зиндаа үүсч, бие биедээ зиндаархан харьцаж, дээд доод ялгаа үүсч, боолчлолын систем бий болж, төрөл бүрийн хорон санаа гарч тэр нь хөгжин даамжирсаар хүмүүс улам л эвдэрсээр түүнийгээ дагаад стрестсээр л хүн хүнээ ялзалж байгаль дэлхийдээ ч сүйрэл учруулж байна.

Мөнгөнөөс болж түмэн гэмж хэрэг гарч байна. Мөнгө хүмүүний шуналын сэтгэлийг ихэсгэж улам л зовлонд унагааж байна. Хөгжил гэхээр л зөвхөн гадаад хөгжилийг л ярих юм. Үнэндээ улс орнуудын хөгжил хөгжил бус сүйрэлийг авчирч байна. Энэ бүгдийг бид мөнгө гэдэг зүйлийг байхгүй болгож чадвал бид дарж чадна. Хэрэв бүх зүйлийг үнэгүй болчихвол боолчлолын систем үгүй болно. Хүмүүс хоорондоо бие биеээсээ ашиг хонжоо харан баг зүүж харьцах бус жинхэнэ нөхөрлөл үүсэх болно.

Хулгай үгүй болж ингэснээр цагдаа шүүх, харуул хамгаалалт ч хэрэггүй юм. Энэ нь асар их дэмий зардал болоод цагаас чөлөөлж байгаа бөгөөд мөн хуримтлал үгүй болж энэ нь байгаль орчиндоо ч хэмнэлттэй, хүмүүс ч дуртай зүйлээ хийж цагийг өнгөрөөх бөгөөд тэр нь ч мэдээж мөнгө гэж байхгүй болохоор сэтгэлээс хийсэн чанартай зүйл гарах юм. Хүмүүс өмссөн зүүсэн брэнд хөөдөг байсан бол тэр үгүй болж гадаад ялгаа арилж ингэснээр зөвхөн оюуны өрсөлдөөн явагдах юм. Өнөөгийн хүмүүс хэд их гадаад зүйлсэд утга учир өгсөнөөр өөрсдийгөө мартаж байна.

Мөнгө гэдэг зүйлийг халж бүх зүйлийг үнэгүй болгон мөнгөнд сууриласан өнөөгийн эдийн засгийн тогтолцоог халан өөр шинэ эдийн засгийн тогтолцоог бий болгох боломжтой гэж та бодож байна уу. Танд тиймээ гэж хэлнэ. Энэ бүхэн агаарын зүйл бус бүрэн амьдрал дээр бүрэн хэрэгжих боломтжтой үндэслэлгүй бус учир шалтгаанд суурилсан бодитой зүйл юм. Магадгүй танд толгойд чинь нэг л бууж өгөхгүй эргэлзэх явдал гарч л байгаа байх. Энэ бүх зүйлийг боломжтой болохийг баталсан төсөлүүд хэдэн ботиороо бий. Та бүхэн хамгийн доор тавигдсан холбоос рүү орж дэлгэрэнгүй мэдээллийг авах боломжтой юм. Бүх зүйлийг үнэгүй болгож мөнгө гэдэг зүйлийг ор үндэсгүй таягдан хаяж чадваас дэлхий 7 тэрбум байтугай 70 тэрбум хүнийг ч хөнгөхөн тэжээх нөөц бололцоотой юм. Энэ шинэ эдийн засгийн тогтолцооны нэрийг нөөцөд суурилсан эдийн засгийн тогтолцоо гэж нэрлэдэг.
Мөнгөнд суурилсан эдийн засаг угаас удаан үргэлжлэхгүй буруу тогтолцоо юм. Энэ эдийн засаг нь өөрөө эргэлтийг шаардаж байдаг. Хэрэв эргэлт байхгүй бол өнөөгийн эдийн засаг тэр чигээрээ нуран унах юм. Тэр ч утгаараа зар сурталчилгаа биднийг байнга л янз янзын аргаар л биднийг худалдан авалт хийхийг шаардаж байдаг. Тухайлбал та нэг компьютер авлаа гэж бодье. Нэг жилийн дараа шинэ компьютерийн төхөөрөмж гарлаа гэхэд тэр нь одоогийн ашиглаж байгаа компьютеот таарахгүй заавал биднийг шинэ компьюьер худалдан авахад хүргэдэг. Зориуд ингэж үйлдвэрлэдэг нь эдийн засаг өөрөө эргэлтийг шаардаж байдаг буруу эдийн засгийн тогтолцоонд л буруу нь байгаа бөгөөд энэ нь байгалийн баялагийг дэндүү их үрэн таран хийж байгаа тул энэ тогтолцоог халж чадваас шинэ төхөөрөмжийг заавал тэгж тааруулахгүй үйлвэрлэх бус таарахаар л хийнэ.

Мөнгөнд суурилсан эдийн загийн тогтолцоо бүх бүтээгдэхүүнийг хурдан эргэлтэнд ороход зориулагдаж гарсан чанар муутай бүтээгдэхүүн байдаг тул нөөцөд суурилсан эдийн засгийн тогтолцоонд бүх зүйл маш чанартай хийгдэж түүнийг засварлах ч бараг шаардлагагүй шинээр авах ч шаардлагагүй болж ингэснээр байгаль орчиндоо ч ээлтэй юм. Өнөөгийн дэндүү их үрэлгэн байхыг шаарддаг хүмүүсийн шуналыг дэндүү их дэмждэг энэ мөнгөнд суурилсан эдийн засгийг хүн төрөлхтөн бид халах хэрэгтэй юм.

За тэгээд өнөөгийн эдийн засаг эргэлт шаарддаг болохоор байгалд ээлтэй шинэ бүтээлүүдийг хааж боогдуулдаг. Тухайлбал нэг газараас нөгөө газар руу бид ямар ч зардалгүйгээр үнэгүй яваад ирэх бүрэн боломжтой юм. Тийм үнэгүй, зардал шаардагдаггүй, байгаль орчинд сөрөг нөлөөгүй эрчим хүч гараад ирсэн байхад газрын тос ханган нийлүүлэгчид өөрсдийн ашиг орлогоо бодон нэвтрүүлдэггүй бөгөөд тэр тэл дээр бүх төрлийн л арга хэмжээг авдаг нь энэ тогтолцооны л буруу болно.

Мөн байгаль орчноо үгүй хийх, хүмүүсийн харилцаа болоод эрүүл бус нийгмийг дэмжсэн эдийн засгийн тогтолцоо юм.
Нэг л жишээн дээр авахад ийм байгаа бөгөөд энэ мэт олон сайхан байгальд ээлтэй хэмнэлттэй шийдэлүүдийг өнөөгийн эдийн засгийн тогтолцоо хаасаар л байна. Мөнгөнд суурилсан эдийн засгийн тогтолцоо хүний нисваанис болох хорт сэтгэлийг ихээр дэмждэг бөгөөд ийм тогтолцоонд ямар ч хүн эвдрэх нь хялбар. Бид бүх зүйлийг үнэгүй болгосноор хүмүүсийн буруу сэтгэлийг хаасан, зөв сэтгэлийг дэмжсэн эдийн засгийн тогтолцоо бий болох юм. Энэ шинэ тогтолцоо хуучин бол боломжгүй зүйл байсан. Харин өнөөгийн техник өндөр хөгжсөн нийгэмд хэрэгжүүлэх бүрэн боломжтой болсон юм.

Бидний бүх ажлыг өмнөөс роботууд хийх юм. Роботууд үнэгүй эрчим хүч ашиглана. Орчин үед 3D хэвлэл хүчтэй хөгжиж байна.

https://www.youtube.com/watch?feature=player_embedded&v=8aghzpO_UZE

Энэ нь орон сууц байшинг ч компьютероос ганц комманд өгөхөд л хувилах юм. Энэ нь асар хөдөлмөр хөнгөвчилж байгаа бөгөөд ногоог ч усан дээр тарих автомат систем, ухаалаг байшин, тээвэрийн систем зэрэг олон зүйлийг үнэгүй эрчим хүч ашиглан гүйцэтгэдэг технологуудын шийдлийг гаргаад бүтээчихсэн байхад нөөцөд суурилсан эдийн засгийн шинэ тогтолцоог нэвтрүүлэхэд бүрэн боломжтой болно.
Товчхондоо өгүүлэхэд ийм бөгөөд дэлгэрнгүй мэдээллийг доорх холбоосоор авна уу.

http://www.youtube.com/watch?v=KphWsnhZ4Ag
(Монгол хадмал орчуулгатай тул CC гэсэн товч дээр даран Монгол хэлээ сонгож үзнэ үү!)

Глобалчлал

Хэрэв бүх зүйлийг үнэгүй болгоод үнэгүй эрчим хүч ашигладаг болчихвол дайн дажин ч гарахгүй юм. Дайн бол бие биенийхээ байгалийн нөөцийг дээрэмдэн ашиглах гэсэн бодлого бөгөөд цаагуураа олон төрлийн бизнесийн зорилготой байдаг. Ард иргэдийг газар нутагийг нь дээрэмдэн авах гэж байна. Газар нутагаа бид хамгаалж үе хойчдоо үлдээх хэрэгтэй гэх мэтэчлэн тархийг угааж дайнд явуулдаг. Гэтэл дээгүүрээ хэдэн тэрбум долларын бизнес цаагуураа явагдаж эгэл ард иргэд тэдгээрийн золиос болж хоцордог. Бурханы шашинд бол та ганц Монгол гэсэн улсад төрөхгүй аль ч газар улсад төрж болно. Монголд төрөхөөр бусад орнууд дайсан. Дараа төрөлдөө өөр оронд төрвөл магадгүй Монголоо дайсан гэж ч харж болох юм. Монголын улсын төлөө та Япончуудтай дайлцаж олон хүнийг хядаж хөнөөн амь хайргүй тэмцэж үрэгдлээ гэхэд та дараа төрөлдөө Япон улсад төрлөө гэж бодоё. Тэгвэл эргээд Монголчуудтайгаа бас тулалдах хэрэг үү. Өмнө нь Япончуудыг үзэхгүй олон хүнийг хядсан харин одоо Япон улсыг хамгаалж Япон хүний төлөө эргээд Монгол хүнээ хороож байна. Тиймээс та төрөхөөсөө өмнө ямар энэ нутагийг өмчилсөн биш мөнхөд энэ газартаа байх ч бус хэзээ нэгэн цагт орхиод л явна. Энэ бүхнийг цааш та сайн тунгааж бодон бие биедээ өс хонзон үгүй цаашлаад улс орон дайн дажин үгүй эв найрамдалийг дэмжсэн бодолтой болох байх гэж бодном. Дэлхийд хил хязгаар гэж үгүй болвол энэ дэлхийд дайн дажин гэж үгүй болох юм. Ихэнх хүмүүс урлаг соёл мөхвөл улс мөхнө гэж ярих байх. Гэтэл бид түүндээ өөрсдийн соёлдоо хэт их шунаж бусдын соёлыг мөн үгүйсгэж болохгүй юм. Дараа төрөлдөө та өөр улсад төрж тэдний соёлыг хамгийн сайн гэнэ. Түүний дараа төрөлд бас нэгэн соёл заншилтай улсад төрж түүнд ч бас дасан шунах болно. Энэ бүхэн та нэг соёлоороо хэзээ ч байхгүй бөгөөд бусдын соёлоос авах зүйл ч бас бий шүү дэ. Бид гадны зүйл гээд хүлээж авахгүй байх нь утгагүй хэрэг. Бидний хэрэглэдэг цахилгааныг Монголчууд бус гадны улс орон л нээсэн. Өдөр тутам хэрэглэдэг компьютер, ТВ, Утас гэх мэт олон зүйлүүдийг бид хийгээгүй нээгээгүй шүү дэ. Бурханы шашинг ч мөн гадны шашин Монголынх бус гэдэг. Гэтэл Бурханы шашин хүн бүрт хамаатай ертөнцийн жас ёсыг нээгээд гаргаад ирсэн зүйлийг гадны юм гээд хүлээж авахгүй байх нь утгагүй хэрэг юм. Тиймээс энэ мэт миниймхийэх үзлээс олон зовлон гарч хөгжлөөс ч өөрийгөө чангаан татаж байгаа хэрэг болно. Бүх улс хил хязгаараа халж нэг гэр бүл болоход санаагаа нэгтгэх чадваас эх дэлхий эрүүл хүн амьтан нь эрүүл энх тунх амьдрах бөгөөд хамгийн төгс нийгэмтэй ойртсон нийгэм энийг л хэлэх байх да гэж бодном. Доорх зурагт 100% байгальд хор нөлөөгүй, үнэгүй эрчим хүч ашигладаг барилгын дизайныг харуулав. Нөөцөд суурилсан эдийн засаг руу шилжиж чадваас барилга барих технологи болон хийц, бүтэц, загвар, зохион байгуулалт бүгд өөрчлөгдөх юм.

Дайны турхй Барууны орны хийсэн богино хэмжээний баримтат киног сонирхоорой.

http://www.youtube.com/watch?v=vRQfjHRMXyA

Ч.Одгэрэл
Хамтрагч байгууллага: Zeitgeist Movement Mongolia